16-11-2015

ក្រុមមនុស្សអាក្រក់គេបានបំពេញតួនាទីគេយ៉ាងល្អក្នុងការសាបព្រោះអំពើអាក្រក់ក្នុងសង្គម។ ចុះក្រុមដែលគិតថាខ្លួនជាក្រុមមនុស្សល្អ តើមានបានបំពេញតួនាទីរបស់ខ្លួន ក្នុងការសាបព្រោះអំពើល្អទៅក្នុងសង្គមហើយឬនៅ? អំពើអាក្រក់រីករាលដាលរាល់ថ្ងៃ ចុះអំពើល្អយ៉ាងម៉េចទៅហើយ? ឧបមាថាអំពើល្អកំពុងរីករាលដាលដែរទៅចុះ តើបងប្អូនរំពឹងថាល្បឿននៃអំពើល្អលឿនជាងអំពើអាក្រក់ឬយ៉ាងណា? អំពើអាក្រក់រីករាលដាលលឿនណាស់ ដូចនេះបើគ្រាន់តែបងប្អូននៅសម្ងំស្ងៀមឬខំពង្រីកអំពើល្អតែមួយមុខនោះវាមិនទាន់គ្រប់គ្រាន់អោយអំពើអាក្រក់សាបសូន្យ ឬថមថយពីសង្គមនោះទេ។ ចង់បានសង្គមល្អ បងប្អូនដាច់ខាតត្រូវតែតាមកម្ចាត់អំពើអាក្រក់មិនដកដៃ។

* ដើម្បីក្លាយជាសភាវះល្អពិតប្រាកដ មនុស្សត្រូវមានធាតុផ្សំដូចខាងក្រោម: 

• ស្គាល់អំពើល្អ

• ដាំបណ្តុះអំពើល្អ

• ប្រព្រឹត្ត អំពើល្អ

• ពង្រីកអំពើល្អ

• ការពារអំពើល្អ

• តាមកម្ទេចអំពើអាក្រក់ មិនអោយងើបមុខរួច។

- ក្រុមសភាវះទាំងពីរ មិនអាចនៅជុំបានទេ ប្រៀបបានទៅនឹងទឹកហើយប្រេង។

- នៅក្នុងសង្គមដែលពោរពេញដោយអំពើល្អ អ្នកដែលសម្ងំស្ងៀមត្រូវចាត់ចូលទៅក្នុងក្រុមមនុស្សឈ្លើងឬចៃសង្គម។

- នៅក្នុងសង្គមដែលពោរពេញដោយអំពើអាក្រក់(ដូចសង្គមខ្មែរ) អ្នកដែលសម្ងំស្ងៀមត្រូវចាត់ចូលក្រុមមនុស្សអាក្រក់ និងជាសភាវះដែលត្រូវបុកបំបាក់។

- ក្នុងដំណើរពិតធម្មជាតិ ! ភពផែនដីទាំងមូលយើងនេះ ជាទីសម្រាប់អ្នកខ្លាំងឈ្នះ គ្មានការអនុគ្រោះឡើយសម្រាប់អ្នកទន់ខ្សោយ។ បើសភាវះមួយខ្លាំងជាង សភាវះមួយនោះហើយជាអ្នកឈ្នះ ហើយវាជារឿងឆោតល្ងង់បំផុត ដែលយល់ថា អំពើល្អ តែងតែឈ្នះ អំពើអាក្រក់។ អោយតែអំពើល្អ ទន់ខ្សោយ ហើយអំពើអាក្រក់ខ្លាំងជាងនោះ មានតែអំពើអាក្រក់ទេ ជាអ្នកទទួលជ័យជម្នះ ជារៀងរហូត។