គាត់ដើរមកជិតខ្ញុំពេលខ្ញុំហូបបាយរួចភ្លាមក្រោយចប់វេទិកា។ចៅសូមថតជាមួយចៅមួយប៉ុស្ត៍មក។រាងចំឡែកក្នុងចិត្តបន្តិចដែរ មនុស្សចាស់វ័យ៨០ឆ្នាំដូចគាត់កំរមកសុំខ្ញុំថតជាមួយណាស់ ខ្ញុំងើបឈរឡើងចូលទៅជិតគាត់ ចិត្តចង់សួរគាត់ថាតើគាត់ស្តាប់ LDP យល់ឬអត់។ មិនទាន់នឹងបានសួរផង គាត់និយាយមកកាន់ខ្ញុំថាខ្ញុំថា ចៅឯងជេរស្អាតណាស់ ជេរដាច់ៗហ្មង។ តើអ្នកណានៅមានចិត្តចង់សួរគាត់ថាស្តាប់ថាតើគាត់យល់ពី LDP ដែរឬទេ?? ណ្ហើយសួរសំនួរផ្សេងទៅចុះ។ លោកយាយអាយុប៉ន្មានហើយ? ៨០ឆ្នាំហើយ។ ហាហាហា ឈប់សួរទៀតហើយ ក៏ជូនលុយគាត់២០ម៉ឺនរៀលទៅ។ ជាមនស្សចាស់ដែលគួរអោយជួយណាស់៕
លោកប្រធាននិងអនុប្រធានបក្សសង្រ្គោះជាតិ រួមទាំងអ្នកគាំទ្របក្សនេះផង និយាយថា វប្បធម៌សន្ទនាអាចជួយដោះស្រាយរាល់បញ្ហាខ្មែរបាន មានបញ្ហាអី គឺCNRP នឹងសន្ទនាជាមួយលោកនាយករដ្ឋមន្រ្តីហ៊ុនសែនដើម្បីដោះស្រាយបញ្ហានោះ។ បើអញ្ចឹងដដែល អាណត្តិក្រោយមិនបាច់បោះឆ្នោតអោយសង្រ្គោះជាតិឈ្នះទេ គឺបោះអោយCPPឈ្នះទៀតទៅ ហើយពេលពលរដ្ឋមានបញ្ហាអីcnrp ប្រើវប្បធម៌សន្ទនាcppដើម្បីដោះស្រាយបញ្ហានោះទៅវាចប់បាត់ទៅហើយ៕
លោកប្រធាននិយាយប្រាប់លោកនាយករដ្ឋមន្រ្តីហ៊ុន សែនថា អតីតកាលមិនមាន តំលៃសំរាប់បច្ចុប្បន្នកាល និងអនាគតកាលទេ។ កុំយកចិត្តទុកដាក់នឹងអតីតកាលអី។ អតីតកាលខ្ញុំជំពាក់លុយអ្នក ឥឡូវមិនទាន់បានសងទេ សូមឈប់គិតពីអតីតកាលទៅ វាគ្មានតំលៃសំរាប់បច្ចុប្បន្នកាលនិងអនាគតកាលទេ។ អ្វីដែលcnrpបានសន្យាជាមួយអ្នកគាំទ្រខ្លួនពីអតីតកាលក្នុងពេលបោះឆ្នោត សូមអ្នកបោះឆ្នោតគាំទ្រcnrp ឈប់គិតទៅ វាជាអតីតកាល វាគ្មានតំលៃសំរាប់បច្ចុប្បន្នកាលនឹងអនាគតកាលទេណាបងប្អូន៕
ក្មេងប្រុសវាយក្មេងស្រីវាជាមិនសមមួយទៅហើយ តែមនុស្សនៅជុំវិញអោយគគោកឈរមើលបណ្តោយអោយក្មេងប្រុសនោះវាយក្មេងស្រីទន់ខ្សោយ វាជារឿងហួសហេតុមួយទៀត។ សង្គមខ្មែរ៕
No comments:
Post a Comment